Godina Harargee Bahaa Bulchinsa Magaalaa Darren Dawaa Raayyaa Ittisa Biyyaa Sooruu Qabduu Jechun Dorsisaa jiruu
Godina harargee bahaa bulchinsa magaalaa Dirree Dhawaa keeysatti sababa Raayyaa ittisa biyyaa sooruu qabdan jahuun hawaasa nageyaa doorsisuudhaan moggatti dirqamaan dirreerratti baasaa jiraachuun dhagahame.
Haaluma kanaan bulchinsa magaalaa Dirrew Dhawaa keeysatti qaamman nageenyaa dabalatee bulchinsifi namoonni tarsiimoo bilxxiginnaatiin guutaman tibbana raayyaa ittisa biyyaa sooruu qabdan jechuun doorsisa hamaa ummatarraan gahaa jiraachuun gabaafame.
Kana malees bulchinsi magaalaa kanaa manneen hawaasarra daddeemuun deeggarsa maallaqaa raayyaa ittisa biyyaatiif gumaachuu qabdan jechuun hawaasa dirqisiisaa kan jiran yommuu tahu kanaan alattiis ijoollota keeysan waraanummaaf galmeeysisiisuu qabdan jechuun nageenya hawaasaa booreeysaa akka jiran qulqulleeyfanne.
Kanaan alattiis dargaggoota bulchinsa magaalaa Dirree Dhawaa keeysatti argaman hedduu sababa hojii isiniif uumana jahuun gandarra deemanii galmeeysaa kan jiraniifi namoota galmaawees hanga ammaatti hojii kan hin eegalchiisin tahuun barame.